قصيدة من أجمل قصائد الشاعر حامد زيد

هذي قصيدة للشاعر حامد زيد ،، من أجمل قصايده واللي استمتعت بقرأتها ،، فاليكم القصيدة تحت عنوان
(،، عذبوها ،، )

عقب ما قابلتني عاتبوها ،،، وعلى شوف الحبايب حاسبوها

خذوها وابعدوها غصب عني ،،، وعن وجهة طريقي جنبوها

وشالوها عن عيوني غصيبه ،،، عواذل واغصبوني واغصبوها

خذوها من ايديني شوف عيني ،،، وعن عيني تعدوا واحجبوها

كلام وصدقوا بالبنت كذبه ،،، وهم اللي من أول كذبوها

وهم وش دخلهم في مال بيي ،،، لأبوها والخلايق طالبوها

وفيا ما تخون ولا تعاند ،،، جسوره وبالمواعيد ارعبوها

ملاكٍ كامله والكامل الله ... ولكن العواذل عذربوها

وهي كل ما دعتني تشتكي لي ،،، عن اللي سالفتنا سربوها

تخاف وتلتفت مع كل كلمه ،،، تظن ان العواذل راقبوها

تتلفت من عقب ماهي جريئه ،،، شجاعه ما تهاب وهيبوها

واهديها وانا حاير وثاير ،،، مصيبه يا عذابٍ عذبوها

وهم كل ما خذوها عن طريقي ،،، تراهم صوب قلبي قربوها

وانا ما تعبت قلبي خيانه ،،، خيانه رتبوها واحسبوها

ولا يعجز خفوقي لا يقابل ،،، جفا من حاربوه وحاربوها

وانا لي عزةٍ تفرض عليا ،،، اخاطب بالجفا من خاطبوها

واكسر لوحة الماضي وازيله ،،، واخربها مثل ما خربوها

واذوقهم ندم ما صار فيها ،،، واشربهم من اللي شربوها

وادلعها واولعها بنفسي ،،، واشرقها بعد ما غربوها

واعوضها عن اللي راح كله ،،، وعن ذيك الليالي كل ابوها

غلاها بالحشى لا زال ثابت ،،، ولو حتى بغيري حببوها

وغلاي بقلبها مر وتعدى ،،، وغلاها لأمها ولا لأبوها